हिंगोली- विधानसभा निवडणुकीच्या पार्श्वभूमीवर विकास प्रिय आमदार तानाजीराव मुटकुळे यांच्या प्रचारार्थ यांचे चिरंजीव शिवाजीराव मुटकुळे यांनी संपूर्ण विधानसभा मतदारसंघात विकास दौरा सुरू केला आहे. या दौऱ्या अंतर्गत त्यांनी झालेल्या कामांची पाहणी आणि नवीन विकास कामाचे उद्घाटन करण्याचा सपाटा लावला आहे.
युवकांमध्ये लोकप्रिय असलेले नेतृत्व म्हणून ओळखले जाणारे शिवाजीराव मुटकुळे यांनी गेल्या काही दिवसात हिंगोली विधानसभा मध्ये विकास दौरा सुरू केला आहे. या दौऱ्या अंतर्गत त्यांनी आमदार तानाजीराव मुटकुळे यांच्या प्रयत्नातून विविध ठिकाणी झालेल्या विकास कामांना भेटी दिले आहेत. प्रत्येक ठिकाणी भेटी देताना त्यांनी झालेल्या कामाची गुणवत्ता व दर्जा तपासून बघितला आहे. आवश्यक त्या ठिकाणी त्यांनी अधिकाऱ्यांना सूचना देखील दिले आहेत.
सेनगाव तालुक्यातील जयपूर येथे त्यांनी विकास निधीतून झालेल्या पांदण रस्त्याच्या कामाची पाहणी केली. त्याचबरोबर पाठोपाठ हप्ता येथे देखील त्यांनी सभागृहाच्या कामाची पाहणी करून अधिकाऱ्यांना योग्य त्या सूचना दिल्या. त्या पाठोपाठ खैरखेडा येथील 25 लाख रुपयेच्या सभागृहाच्या कामाचे भूमी पूजन देखील त्यांच्या हस्ते पार पडले. त्यांच्या या दौऱ्यानिमित्त नागरिकांनी त्यांचा ठिकठिकाणी जल्लोषात सत्कार करून आपला पाठिंबा जाहीर केला.
विशेष बाब म्हणजे ग्रामीण भागातील युवकांमध्ये शिवाजीराव मुटकुळे यांच्या नेतृत्वाला मोठा पाठिंबा मिळत असल्याचे दिसून येत आहे. आमदार तानाजीराव मुटकुळे यांच्या प्रचाराची धुरा शिवाजीराव मुटकुळे यांनी समर्थपणे पार पाडत केवळ राजकीय प्रचार न करता झालेल्या कामांची माहिती व दर्जा तपासणी तसेच नवीन विकास कामांच्या भूमिपूजनाचा सपाटा लावला आहे. त्यांच्या या दौऱ्यामुळे मतदार संघात उत्साहाचे वातावरण निर्माण झाल्याचे दिसून येत आहे.
