हिंगोली- 5 ऑक्टोबर रोजी हिंगोली शहरातील मारवाडी गल्लीत झालेल्या फटाक्याच्या स्फोटमध्ये यापूर्वी तिघांचा मृत्यू झाला होता. त्या पाठोपाठ आज सोमवारी सकाळी दहाच्या सुमारास नगर परिषदेचे कर्मचारी आकाश सांगळे वय 26 वर्ष याचा लातूर येथे उपचारादरम्यान मृत्यू झाला.
फटाकेच्या स्फोटामध्ये दोघा जणांचा जागीच मृत्यू झाल्यानंतर उपचारादरम्यान नगर परिषदेचे कर्मचारी दोडके यांचा मृत्यू झाला होता. पाठोपाठ आज सोमवारी नगरपरिषद अग्निशमन दलाचे जवान आकाश सांगळे यांचा देखील मृत्यू झाल्यामुळे सर्व शहरात हळहळ व्यक्त होत आहे. लातूर येथे शिवविच्छेदन करून त्यांचा मृतदेह हिंगोली येथे आणण्यात येणार असल्याची माहिती सुत्रांनी दिली.
