हिंगोली- भारतीय जनता पक्षाचे उमेदवार तानाजी मुटकुळे यांनी आज जोरदार शक्ती प्रदर्शन करीत आपला उमेदवारी अर्ज दाखल केला. यावेळी माजी केंद्रीय मंत्री भागवत कराड यांची प्रमुख उपस्थिती होती.
भारतीय जनता पार्टी कडून उमेदवारी जाहीर झाल्यानंतर आज मुटकुळे यांनी आपल्या समर्थकांसह उमेदवारी अर्ज दाखल केला. शहरातील गांधी चौक भागातून त्यांनी रॅली काढून मुख्य मार्गाने उपविभागीय अधिकारी कार्यालया पर्यंत शक्ती प्रदर्शन केले. सहभागी झालेल्या कार्यकर्त्यांच्या घोषणांनी शहर दणाणून निघाले होते.
यावेळी तानाजी मुटकुळे यांच्या सह मराठवाडा संघटन मंत्री रेणूकदास देशमुख, आ. संतोष बांगर,माजी मंत्री भागवत कराड, रामराव वडकुटे, गजानन घुगे, जिल्हाध्यक्ष फुलाजी शिंदे, बाबाराव बांगर, के के शिंदे, कैलास काबरा, संतोष टेकले, शिवाजी मुटकुळे, संतोष टेकाळे, कृष्णा रुहीतीया यांच्यासह मोठ्या प्रमाणात पदाधिकारी, कार्यकर्ते हजारोच्या संख्येने उपस्थित होते.
