हिंगोली- उपप्रादेशिक परिवहन कार्यालय हिंगोली यांच्या वतीने आज दिनांक 20 नोव्हेंबर रोजी सकाळी 9 वाजता रस्ते अपघातात बळी पडलेल्या नागरिकांचा स्मरण दिनानिमित्त कार्यक्रम आयोजित करण्यात आला होता.
यावेळी जिल्हाधिकारी जितेंद्र पापळकर, जिल्हा पोलीस अधीक्षक जी. श्रीधर, उपप्रादेशिक परिवहन अधिकारी डॉ. आंनता जोशी, सहायक आयुक्त समाज कल्याण अधिकारी शिवानंद मिनगिरे, नगर परिषदचे स्वच्छता निरीक्षक बाळूभाऊ बांगर, डायट प्राचार्य गणेश शिंदे, पोलीस निरीक्षक बायस, सरपंच सुरेश शेळके, हर्षवर्धन परसवाळे, रत्नाकर महाजन, राजेश अग्रवाल, विनय शाहू, आशिष रणशिंगे, आरटीओ शैलेश कोपुल्ला, बोयने, बाहेती, हाराळ, गोटे,उपप्रादेशिक परिवहन अधिकारी अनंता जोशी यांनी यावेळी रस्ता सुरक्षा संदर्भात सर्वांना एक शपथ दिली. यावेळी आनंता जोशी यांनी रस्ते सुरक्षा संदर्भात सविस्तर माहिती दिली. संत नामदेव पोलीस कवायत मैदान येथे रस्ते अपघातात बळी पडलेल्या नागरिकांचा स्मरण दिनानिमित्त वॉकेथॉनला जिल्हाधिकारी जितेंद्र पापळकर यांच्या हस्ते झेंडे दाखवण्यात आली. वॉकेथॉन संत नामदेव पोलीस कवायत मैदान येथून सुरूवात करण्यात आली. त्यानंतर छत्रपती शिवाजी महाराज चौक, जवाहर रोड, गांधी चौक, इंदिरा चौक, या मार्गाने हि वॉकेथॉन रॅलीचा समारोप करण्यात आला.
वॉकेथॉन रॅलीत रस्ते सुरक्षा संदर्भात घोषणा देण्यात आली. वॉकेथॉन रॅलीत एस आर पी.एफ जे जवान, शहर वाहतूक शाखेचे कर्मचारी, नगर परिषद चे कर्मचारी, यांच्या सह शाळेतील विद्यार्थी आदींनी सहभाग घेतला होता. वॉकेथॉन रॅली यशस्वी करण्यासाठी जगदिश देशमुख, संतोष वाटसर, तळणीकर, प्रविण लोखंडे, संजय मेथेकर यांनी परिश्रम घेतले.
