हिंगोली ग्रस्त वारंवार वादग्रस्त विधान करून महाराष्ट्राची अस्मिता असणाऱ्या दैवत असणाऱ्या छत्रपती शिवाजी महाराजांच्या बद्दल अवमान करत वक्तव्य करणाऱ्या राज्यपाल भगतसिंग कोशारी यांची राज्याबाहेर अक्कलपट्टी करा असे आवाहन माजी आमदार भाऊराव पाटील गोरेगावकर यांनी केले.
आज हिंगोली येथील महात्मा गांधी चौकामध्ये हिंगोली विधानसभेचे काँग्रेसचे माजी आमदार भाऊराव पाटील गोरेगावकर यांच्या नेतृत्वात राज्यपाल भगतसिंग कोश्यारी व सुधांशू त्रिवेदी यांच्या विरोधात घोषणाबाजी देत निदर्शन करण्यात आले.
यावेळी महाराष्ट्र राज्याचे राज्यपाल भगतसिंग कोश्यारी व सुधांशु त्रिवेदी यांनी छत्रपती शिवाजी महाराज यांच्या विषयी केलेल्या वादग्रस्त विधानाचा जाहिर निषेध करण्यात आला. केंद्र सरकारने महाराष्ट्र राज्याचे राज्यपाल भगतसिंग कोश्यारी यांना तात्काळ या पदावरून पायउतार करावे कारण कोश्यारी हे छत्रपती शिवाजी महाराज यांच्या विषयी वारंवार वादग्रस्त विधाने करीत असल्यामुळे राज्यातील जनतेच्या भावना दुखावल्या जात आहेत. यावेळी राज्यपाल भगतसिंग कोश्यारी व सुधांशु त्रिवेदी यांच्या फोटोला जोडे मारून या दोघांच्या विरोधात घोषणाबाजी करून निषेध करण्यात आले. यावेळी माजी आमदार भाऊराव पाटील गोरेगावकर, काँग्रेसचे जिल्हाध्यक्ष दिलीप देसाई, सेनगाव तालुका अध्यक्ष भास्करराव बेंगाळ,द्वरकादास सारडा, बाजीराव इगोंले, भैय्या देशमुख, शहराध्यक्ष पवन उपाध्याय,माजी सभापती बालाजी गावंडे, उत्तमराव असोले, हिंगोली तालुका अध्यक्ष बापूराव पाटील,
कळमनुरी तालुका अध्यक्ष भगवान चव्हाण, नंदकिशोर कदम, भगवानराव मस्के
मूनिर पटेल, भिकाजी कीर्तनकार यांच्यासह मोठ्या संख्येने पदाधिकारी व कार्यकर्ते उपस्थित होते.
