हिंगोली- नगरपरिषदचे मुख्याधिकारी अरविंद मुंडे यांच्या मार्गदर्शनाखाली सायकल रॅलीचे आयोजन करण्यात आले. तसेच योगविद्या धाम, माणिक स्मारक आर्य विद्यालय हिंगोली यांच्या संयुक्त विद्यमाने सायकल रॅलीचे आयोजन करण्यात आले होते .यावेळी नगर अभियंता रत्नाकर आडसिरे यांच्या हस्ते सायकल रॅलीला हिरवी झेंडी दाखवण्यात आली.
सायकल रॅली ही योगविद्या धाम केंद्रापासून काढण्यात आली. त्यानंतर शहरातील सर्व मुख्य चौकातून सायकल रॅली मार्गक्रमण झाले. यावेळी तालुका आरोग्य अधिकारी डॉ नामदेव कोरडे, नगर परिषदचे उपमुख्याधिकारी उमेश हेंबाडे, प्रशासकिय अधिकारी शाम माळवटकर, स्वच्छता निरीक्षक बाळूभाऊ बांगर, अभियंता रवीराज दरक, अभियंता काकडे, देविसिंग ठाकूर, आशिष रणशिंगे, संदिप घुगे यांच्या सह मोठ्या संख्येने योगविद्या धाम साधक, माणिक स्मारक आर्य विद्यालयातील विद्यार्थी यांच्या सह शहरातील प्रतिष्ठित नागरिकांनी सायकल रॅली सहभाग घेतला होता. सायकल रॅलीची सांगता शहरातील छत्रपती शिवाजी महाराज चौक येथे संपन्न करण्यात आली.
