हिंगोली:- विधानसभा मतदार संघातून महायुतीचे अधिकृत उमेदवार आमदार तानाजीराव मुटकुळे यांच्या प्रचाराला वेग आला असून 7 नोव्हेंबरला सेनगाव तालुक्यातील कापडसिंगी बन येथे प्रचारादरम्यान मतदारांचा उत्स्फूर्त प्रतिसाद मिळाला.
हिंगोली विधानसभा मतदार संघामध्ये आमदार तानाजीराव मुटकुळे यांनी केलेल्या विकास कामामुळे पक्षाने पुन्हा निवडणुकीसाठी संधी दिली आहे. आमदार मुटकुळे यांची अधिकृत उमेदवारी जाहीर झाल्यापासून महायुतीचे पदाधिकारी व कार्यकर्ते गावोगावी जाऊन प्रचार करीत आहेत.7 नोव्हेंबरला आमदार तानाजीराव मुटकुळे यांनी सेनगाव तालुक्यातील कापडसिंगी ,बन यासह अन्य काही गावांमध्ये प्रचारानिमित्त भेटी दिल्या. याठिकाणी त्यांचा मतदारांनी सत्कार केला. अनेक गावात आमदार मुटकुळे यांची प्रचार फेरी काढण्यात आली. यावेळी आमदार मुटकुळे यांनी मतदारांना विकासाची कामे करण्याकरता निवडून देण्याचे आवाहन केले. यापूर्वीही मोठ्या प्रमाणात विकासाच्या कामासाठी शासनाकडून निधी आणल्याने अनेक ठिकाणचा कायापालट झाला असल्याचे आमदार मुटकुळे यांनी आपल्या भाषणात बोलताना सांगितले. मतदारांच्या आग्रहास्तव पुन्हा निवडणूक रिंगणात उतरलो असल्याने सर्वांनी महायुतीच्या कमळ चिन्हावर बटन दाबून मोठ्या संख्येने मला विजयी करावे असे आवाहन देखील त्यांनी मतदारांना केले. या प्रचार दौऱ्या दरम्यान महायुतीचे पदाधिकारी व कार्यकर्ते मोठ्या संख्येने उपस्थित होते.
