हिंगोली -मराठी वृत्तपत्रसृष्टीचे जनक बाळशास्त्री जांभेकर यांच्या जयंतीनिमित्त साजरा केल्या जाणारा दर्पण दिनानिमित्त आज शुक्रवार दिनांक 6 जानेवारी रोजी हिंगोली शहरातील विविध ठिकाणी सर्व पत्रकारांचा सत्कार करण्यात आला.
दर्पण दिनानिमित्त भारतीय जनता पार्टीच्या वतीने राजयोग मेडिकल येथे आमदार तानाजी मुटकुळे यांच्या वतीने पत्रकारांचा सन्मान करण्यात आला. यावेळी भाजपाचे के के शिंदे, दुर्गादास साकळे, मिलिंद यंबल, फुलाजी शिंदे आदि सह भाजपाचे पदाधिकारी उपस्थित होते.
यानंतर हिंगोली नगरपरिषदेमध्ये मुख्याधिकारी अरविंद मुंडे यांनी पत्रकारांना सन्मानित केले. त्याचबरोबर प्रशासकीय कामकाजामध्ये पत्रकारांकडून मिळत असलेल्या सहकार्याबद्दल त्यांनी आभार व्यक्त केले. याप्रसंगी उपमुख्यअधिकारी उमेश हेंबाडे, नगर अभियंता रत्नाकर आडसिरे, श्याम माळवटकर, पंडित मस्के आदींची उपस्थिती होती.
जिल्हाधिकारी कार्यालयातील जिल्हा माहिती अधिकारी कार्यालयामध्ये देखील दर्पण दिनानिमित्त कार्यक्रमाचे आयोजन करण्यात आले होते. जिल्हा माहिती सहाय्यक अधिकारी चंद्रकांत कारभारी यांच्या प्रमुख उपस्थितीत हा सोहळा पार पडला. यावेळी उपस्थित पत्रकारांनी आपल्या समायोजित भाषणातून भावना व्यक्त केल्या.
जांभेकर यांना अभिवादन
महाराष्ट्र राज्य मराठी पत्रकार संघाच्या वतीने मराठी वृत्तपत्र श्रुष्टीचे जनक बाळशास्त्री जांभेकर यांना अभिवादन करण्यात आले. यावेळी जिल्हाध्यक्ष प्रद्युम्न गिरीकर यांच्यासह कार्याध्यक्ष ज्ञानेश्वर लोंढे, नंदकिशोर कांबळे, सचिन कावडे, दिलीप हळदे, बाळासाहेब जाधव, सुधीर गोगटे, रमेश वाबळे, शिवाजी घुगे, गजानन मगर, विजय गुंडेकर, सुनील पाठक, चंद्रकांत वैद्य, थोरात आदींची उपस्थिती होती.
